魚翅大排檔 (已結業)

今天，同朋友去旺角12元店購物，上到2樓，看見有魚翅套餐食，好豪呀，朋友話不如試試，我地就入左去。餐廳環境尚算舒適，而且發現魚翅套餐只係68元，包一盅菜膽燉翅，一碟飯同一杯飲品，而我就揀左食滑蛋蝦仁飯。落左單之後，等左10分鐘左右就上餐，首先係個菜膽燉翅打頭陣，賣相都只算一般，而味道方面就只有菜乾味，而沒有翅味，不過材料就沒偷工減料，都有啲翅食下。之後就到個滑蛋蝦仁飯黎到，飯上面啲蝦係幾大隻下，奈何就冇乜蝦味，只的一個爽字，不過都算可以接受。總括而言，對於係旺角區食個lunch，價錢同食品質素都尚算可以，不過都有一點點伏味。