凱聯匯 (已結業)

之前經過附近見到好似有間新開嘅飲茶餐廳，所以放假就同屋企人行入去試吓環境尚算乾淨，枱嘅數量都唔係好多，大家都分隔得幾遠，幾好。但係有一樣唔好嘅就係你入呢間餐廳要首先去到2樓之後再轉第二架lift上去，覺得有啲麻煩杞子燒賣，食得出啲肉都幾新鮮，入邊都有大大隻蝦，幾好味黑椒牛仔骨蒸陳村粉，黑椒牛仔骨醃得幾夠味，食落去都幾軟，唔會太硬，配埋陳村粉撈埋啲汁一齊食幾好食黑松露雜菌餃，以為食黑松露嘅嘢食就一定唔會死，點知佢入邊夾雜咗芫茜，一食落口即刻唔想再食第二舊，因為本人係超級唔鍾意芫茜😓😓但係黑松露味都幾香，個皮都算薄，菇嘅份量都幾多