神戶北之板 (已結業)

晏晝係九龍灣food court食，見到佢個餐有幾多野食，個賣相又幾吸引就去試下。每個飯加6蚊會包埋沙律，餐飲同餐湯都幾抵食。芝士焗海鮮飯套餐：個飯係鋪滿芝士既，食落啖啖都有芝士。海鮮有蝦、蜆等等，不過海鮮略嫌少左啲，因為唔係每一啖都有海鮮食。茄醬雞扒奄列飯套餐：雞扒奄列飯就麻麻地好食，個茄醬好似茄汁加水咁好稀。而且塊雞扒一啲都唔嫩滑，好似食柴咁，希望佢可以改善下。食物既份量足夠，不過食物質素有待改善。