度小月 (海運大廈) (已結業)

度小月喺台灣過江龍老店，今次經過LCX見到唔洗等位，就去試試～叫咗佢嘅招牌祖傳肉燥飯、炙烤胡椒肉、三杯野菌煲同紹興酒香雞祖傳肉燥飯只喺$28，所以份量都係輕量級。肉燥整體偏咸，唔係好食得出肉碎嘅香味，普普通通，冇太大驚喜。炙烤胡椒肉胡椒香味幾重，半肥瘦肉烤得啱啱好，保持嫩滑肉質，幾欣賞佢個醬汁，幾fresh。三杯野菌煲熱辣辣上嘅三杯野菌煲，菇嘅分量其實唔係好多，但食落都幾濃郁惹味，可以一試。紹興酒香雞醉雞味道不過不失，酒香係幾重，但失望嘅係雞件皮厚肉薄，份量又係唔多。整體感覺味道都幾一般，唔係太抵食