一休(居食屋)日本料理 (38廣場)

营业中

休息中

呢幾日突然想食魚生飯 就搵男友到旺角一休撐檯腳 睇呢間評價都ok過黎試試Order咗特盛海鮮丼 都真係比較薄切 飯偏硬 感覺壽司醋落得有啲少，但整體尚算不錯，魚生食落新鮮冇雪味，不過個份量就頗細，啲刺身真係切到好薄好薄，好似薄切肥牛咁。係一人食唔飽嘅份量黎。芥末八爪魚係生嘅，鮮味十足，芥辣味都好重，啱啲鍾意食生八爪魚嘅朋友去試～整體黎講不過不失，適合去開附近可以順便頂下肚，但唔洗旨意一碗飯食得飽啦，最好嗌埋小食～員工啲態度都比較好，嘢食黎得都比較快嘅。