19
9
6
等级4
144
0
2021-02-06 806 浏览
次次经过呢间Pizza店,都会惊叹啲Pizza真系好大件,每次都话下次一定要黎试吓,但系转头就冇咗件事,难得今次同朋友出旺角谂唔到食咩,终於真系入嚟试啦🤣店舖嘅面积唔系好大,只系有五至六张枱,而且每张都系两人位,我哋去到嘅时候拣咗窗口位坐,但大家记住如果系下午三至四点嘅时候去,千祈唔好拣窗口位,如果唔系坐坐下就会俾太阳照住😅我哋咁啱错过咗佢个午餐时间,因为佢两点前系有一啲比较优惠嘅午市套餐,咁我哋都照叫咗每人一件pizza同埋一杯嘢饮。🎈夏威夷薄饼我哋两个都叫咗夏威夷薄饼,佢个饼底唔算好厚,同其他舖头嘅Pizza唔同嘅地方系其他舖头嘅pizza饼底上面涂既系番茄酱,但系佢涂既就系肉酱意粉嗰啲肉酱,所以食落去个口感会更好,肉酱上面就系一层芝士,但系芝士嘅份量唔算多,而且分布亦唔系太平均。而我有少少失望嘅就系薄饼上面嘅菠萝同埋火腿其实唔系好多,同埋个Pizza上碟之後只系有少少暖,唔系好够热,所以整体来讲呢个Pizza都系普普通通😢有啲失望🎈橙汁沙冰哩一个就唔系太建议大家叫,因为就算系我呢一个好锺意食甜品嘅人,都觉得呢一个沙冰真系太甜啦。整体来讲,依间嘅Pizza的确只系以大件作招徕,但系
更多
次次经过呢间Pizza店,都会惊叹啲Pizza真系好大件,每次都话下次一定要黎试吓,但系转头就冇咗件事,难得今次同朋友出旺角谂唔到食咩,终於真系入嚟试啦🤣



店舖嘅面积唔系好大,只系有五至六张枱,而且每张都系两人位,我哋去到嘅时候拣咗窗口位坐,但大家记住如果系下午三至四点嘅时候去,千祈唔好拣窗口位,如果唔系坐坐下就会俾太阳照住😅



我哋咁啱错过咗佢个午餐时间,因为佢两点前系有一啲比较优惠嘅午市套餐,咁我哋都照叫咗每人一件pizza同埋一杯嘢饮。
93 浏览
0 赞好
0 留言



🎈夏威夷薄饼
我哋两个都叫咗夏威夷薄饼,佢个饼底唔算好厚,同其他舖头嘅Pizza唔同嘅地方系其他舖头嘅pizza饼底上面涂既系番茄酱,但系佢涂既就系肉酱意粉嗰啲肉酱,所以食落去个口感会更好,肉酱上面就系一层芝士,但系芝士嘅份量唔算多,而且分布亦唔系太平均。


而我有少少失望嘅就系薄饼上面嘅菠萝同埋火腿其实唔系好多,同埋个Pizza上碟之後只系有少少暖,唔系好够热,所以整体来讲呢个Pizza都系普普通通😢有啲失望
68 浏览
0 赞好
0 留言



🎈橙汁沙冰
哩一个就唔系太建议大家叫,因为就算系我呢一个好锺意食甜品嘅人,都觉得呢一个沙冰真系太甜啦。
32 浏览
0 赞好
0 留言




整体来讲,依间嘅Pizza的确只系以大件作招徕,但系味道同埋用料其实都唔系话好出色,性价比亦都唔高,都系试一次就够。

57 浏览
0 赞好
0 留言





(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐途径
堂食
人均消费
$45 (下午茶)