茶色生香 (新安大廈) (已結業)

出咗香港大學地鐵站地面出口之後，就會見到一間又有台式飲品，又有一啲小食賣嘅舖頭。有次經過嗰陣見到有人排隊，咁啱自己又口痕想飲珍珠奶茶，於是一出地鐵站就走過去舖頭落單。叫咗一杯最普通嘅珍珠奶茶飲，珍珠奶茶拎上手，奶茶嘅茶底唔錯，飲得出本身屬於茶嘅味道，整體感覺奶茶味道中上，飲落口幾舒服；至於珍珠方面，小弟略嫌珍珠口感爭咗少少，唔知係咪烹調嗰陣有所不足，啲珍珠感覺上比較硬，同埋有陣時會有幾粒黐埋一齊嘅情況。