越泰香辣軒 (已搬遷) 新店位置

路過門口，見店內大量的泰文，諗落衰極都有個舖，廿靈蚊試個Tea，衰到盡都不過廿多元。唔食得冬陰公，諗都唔諗就叫香茅豬扒併生牛熟河，靚女叫女廚快快起貨，左瞄右瞄，都唔見有其他客人，心想，唔洗咁急化？近期吃湯河，通常時香茅豬扒雙拼，是想看看小店的香茅水準，香茅豬扒是另上的，都算有心。薄身的豬扒，無質感肉質幾削香茅味亦麻麻，可幸炸得香脆，用來送酒唔錯，但唔適合來做湯河。湯底是牛肉湯，味道出奇的濃而，不知是什麼材料作怪，喝出獨特的鹹味，生牛肉是肥脂十足的肥牛，喜歡肥得很的肥牛，這味絕對對自己口味，有分加。吃完大半碗，香料味不重，少少口渴，師傅是有的但並唔嚴重，幾對港人胃口，路過值得一試。埋單時，女廚師返到，同靚女話某某店的確有位靚仔，原來趕著起貨是為了「急」仔。