蘭芳園 (已結業)

這個星期有兩天假期, 所以決定“留港消費”首日去中環飲下午茶, 因為歌赋街果間出名的大排檔茶餐廳經常無位,以前週末去過都大排長龍,所以特別今天閒日再去,希望有位,結果又係長龍, 都唔明白那些疑似上班一族的女仔好似唔使返工咁, 差不多四點仲係度食麵,又一次失望而回.轉移地點改去那間標榜絲襪奶茶的, 去了新店, 人不多,點了下午茶餐,凍奶茶+厚多士$22.-,之前睇報導,該茶餐廳除了標榜絲襪奶茶, 亦宣傳加了奶茶冰的凍奶茶, 表示可以令奶茶不致被冰塊沖淡,茶上檯,發現奶茶冰只得兩粒,其餘都是普通冰塊,一經攪拌奶茶冰未飲已經溶哂,飲第一口感覺是甜,好甜,沒有茶味,奶油厚多士只是普通多士,一開二對摺,夠熱夠脆,如果和翠華,太興比較,一點都不厚, 凍奶茶更不及那兩間般認真,和金鳳更無得比, 或者熱飲才是其強項吧.總括來說,這類成了名的店鋪,加上名人效應,是不會担心其生意,因為成條嘉咸街已經成為朝聖地,但希望可以在出品上更用心一些, 總好過那兩位樓面阿哥阿姐經常盤算如何將那些佔用四人檯的單丁客boot埋一起,留番張吉檯俾稍後來的茶客., 入圍米芝連?sorry,what a joke!