OWLS Coffee (已結業)

我通常一早返工前都會幫襯呢間咖啡店，無他嘅，因為返工前真係需要一杯好飲嘅咖啡。不過今次第一次午餐時間去幫襯，店長推介我地試牛油果多士同埋午餐肉牛角包，兩樣都好食，所以想在此同大家分享一下。牛油果多士感覺上好似用咗成個牛油果去整，所以入口有強烈牛油果的鮮味，好rich，如果鍾意食牛油果的朋友一定一試愛上，唯一缺點係件多士底唔夠脆。健康之選有牛油果多士，邪惡之選當然係午餐肉牛角包啦，舊午餐肉真係超厚，目測有半罐，入厚嘅罪惡感真係無得頂，因為舊午餐肉係先煎香咗，所以入口嘅豐厚感覺真係非筆墨能形容。牛角包本身係呢間小店嘅招牌，所以我都唔在此多講了。