Café Crêpe (K11購物藝術館) (已結業)

呢晚約埋閨密聚聚，嚟到尖沙咀，唔想食得咁heavy, 於是揀左我喜歡嘅可麗餅做晚餐～ 位於尖沙咀K11呢間人氣法式可麗餅專門店Cafe Crepe，地理位置優越，交通方便，環境舒適，平日晚上7時左右入座都已經幾乎滿座了！呢度有多款可麗餅和飲品選擇，可麗餅出名皮薄而且好煙韌，十分高質，我們就點了兩款signature crepe，一咸一甜，再加兩杯飲品，好滿足啊～秘製瑞士芝士汁配黑松露帶子（$125）絕對是足料之作，餡料滿滿，有濃郁嘅黑松露香加上粒粒鮮甜的珍珠帶子，美味又健康！蘋果金寶配奶油醬及香草雪糕（$108）是甜食的不二之選，爽口的蘋果加上帶焦糖肉桂香的奶油醬和香滑的香草雪糕，冰火交融，大愛！呢度嘅可麗餅嘅份量對我地兩位女生來說是剛剛好，真的可以當晚餐~飲品點了Pina Colada（$48）和 Blue Hawaiian（$48），兩杯賣相都好靚，陣陣清宜的果香，好有夏日氣息，微甜好好飲！