豐味窯雞

营业中

休息中

近排開始常常煮飯，因為小朋友都忙着開學，而我就要跟進通告跟進功課，所以都冇得出街食飯。好彩好多媽媽都係經歷緊呢啲事情。咁有一日傾開偈，佢哋就介紹我唔使煮得咁辛苦，不如買隻燒雞返去簡單食就得啦！咁都幾好喎，佢哋食過話好食一定可以試吓啦。我見買外賣地址同屋企好近所以一於去試吓。事先預訂咗去到呢，就講返電話號碼就攞得啦。真係好方便。之後搭車返屋企，放工時間喺巴士上邊一直都好多人之後竟然有人問我點解外賣包裝咁香嘅我就介紹佢去買豐味窯雞啦原來係啲香氣透露晒出嚟，肚餓嘅香港人聞到都忍唔住八卦問我係邊度買隻咁香既雞。啱啱出爐嘅燒雞好熱，店家已經安排咗勞工手套和膠手套首先戴上勞工手套防止熱力之後戴上膠手套，防止啲油滲入。打開隻雞都唔細隻個喎，原隻嘅燒雞之後用手套原隻撕開啲汁一直滴出嚟，我自己用個碗留起啲雞油之後食雞嘅時候點返增添香味。燒雞普通大細，但雞胸雞髀位置啖啖肉，係好滑嘅。而且用錫紙保留溫度，就算返到屋企都係熱辣辣㗎。一晚落嚟淨係食一隻雞都夠三四個人飽。加碟菜就無敵啦。價錢唔貴而且落單算方便，所以諗唔到煮乜呢？就去買外賣啦。