影片
更多
2021-12-17
262 浏览
今日試新野，突然想食燒肉，無乜心水餐廳係附近，所以就看食評決定，最後揀左呢間係銅鑼灣的日式燒肉！因為見食評勁多好評，而差評比例少，而且幾個都無相，所以膽粗粗都係一試，仲怕無位，一早叫朋友訂定位。一上去就安排了4人卡位比我2個！勁開心，坐得好鬆動，我地因為1730左右到，見到人少也不為意，仲諗係因為訂座關係，覺得勁好彩。好啦佢有幾個餐，分別係和牛餐500幾，有海鮮有刺身的300幾，仲有個得肉的200幾，因為諗住和牛油膩食唔到幾多，所以我地揀中位數300幾個個餐，再加98蚊要個和牛拼盤，過下口癮就算。呢個就係98蚊的和牛，98蚊黎講不過不失，但和牛黎講就….不過算，呢個已經真係唯一可以按捺住唔抱怨的食物。講到呢到，開始煙霧彌漫…原來入多左幾枱客，只係幾枱，全滿的話真係不得了，到最後好彩都唔滿，我地食到一半已經由對食物不滿變成擔心，不斷睇緊急出口同消防設備位置…食個燒肉都咁勁煙，有事起上黎真係睇唔到路都似。個抽風已經勁接近個爐都咁。(當天有其他客人覺得擋住想調高，立即被職員阻止，你知個抽風乜料啦)之後刺身到啦，普通仼食刺身質數，加上輕微雪味，我地都叫左2轉，睇埋落去就知因為實在無乜好食和牛蘿
今日試新野，突然想食燒肉，
無乜心水餐廳係附近，所以就看食評決定，
最後揀左呢間係銅鑼灣的日式燒肉！
因為見食評勁多好評，
而差評比例少，而且幾個都無相，
所以膽粗粗都係一試，仲怕無位，
一早叫朋友訂定位。
一上去就安排了4人卡位比我2個！
勁開心，坐得好鬆動，
我地因為1730左右到，見到人少也不為意，
仲諗係因為訂座關係，覺得勁好彩。
好啦佢有幾個餐，分別係和牛餐500幾，
有海鮮有刺身的300幾，仲有個得肉的200幾，
因為諗住和牛油膩食唔到幾多，
所以我地揀中位數300幾個個餐，
再加98蚊要個和牛拼盤，過下口癮就算。
呢個就係98蚊的和牛，98蚊黎講不過不失，
但和牛黎講就….不過算，
呢個已經真係唯一可以按捺住唔抱怨的食物。
講到呢到，開始煙霧彌漫…
原來入多左幾枱客，只係幾枱，
全滿的話真係不得了，到最後好彩都唔滿，
我地食到一半已經由對食物不滿變成擔心，
不斷睇緊急出口同消防設備位置…
食個燒肉都咁勁煙，
有事起上黎真係睇唔到路都似。
個抽風已經勁接近個爐都咁。
(當天有其他客人覺得擋住想調高，立即被職員阻止，你知個抽風乜料啦)
之後刺身到啦，普通仼食刺身質數，
加上輕微雪味，我地都叫左2轉，
睇埋落去就知因為實在無乜好食
和牛蘿蔔，和牛柴口，蘿蔔還好。
牛肉除左蔥花個個款之外，
其餘都有成6-8款肉，每樣2塊，
不過如圖，其中有一款比較好，
邊款？你自己再慢慢試分開叫先知了。
我當天試最好就係封門柳，
其餘又柴又無味，揀有調味仲衰，
只得調味的味，同勁平韓燒一樣味。
牛舌還好，有陣蘇味，還可接受…
(不斷刷新下限…低處未算低)
三文魚麵豉湯，因為見過食評讚而叫，
好啦，都岩…因為算正常…
重頭戲，蝦！係臭蝦！
話說黎的時候見佢頭甩都知唔新鮮，
叫4隻有2隻係咁！我哋仲博一博，
燒左試下，諗住唔梅都可以接受，
點知一放落口咬一啖，唔知梅唔梅，
因為全口都充斥住臭腥味，直頭係臭左！
當然立即吐掉，職員收碟問要唔要，
我地話唔要啦，d蝦臭，佢收左轉頭離開，
就這樣，不過也意料中事，看開了，
有乜出奇，咁樣質素都吹捧到咁多好評
最後唯有叫飽肚野，食下烏冬，
一陣麵粉味，半生熟
野飲飲過蘋果汁，感覺應該係1比1溝水？
另外係有氣水，值得一讚！係正常嫁
大推有氣水
總結:
不推薦。
向好方面諗，我興幸自己無揀500幾個餐，
如果唔係真係喊出黎直升機起飛…
…伏伏伏伏伏…
睇到留言決定唔去: 恭喜你。
睇到留言決定去 : 係勇者。
张贴
