營樂餐廳 (已結業)

食物質素差，無味道，員工態度惡劣。樓面好似唔識廣東話咁，不停雞同鴨講，原本想散叫，阿吱阿咗一大輪又話只可以叫套餐，本來已經想走，但係老婆話好肚餓，唔想再去第二間，快啲買完返屋企食，唯有繼續落單。今晚點左慢煮牛腩，菠蘿咕嚕肉外賣。個套餐包埋例湯，白飯，糖水。望落好似幾好又抵食，點知就中哂伏，牛腩唔入味，咕嚕肉又淡，D菠蘿係苦嘅。問心，價錢係算平嘅，又湯又糖水，不過一間服務又差，食物又無味道嘅餐廳，一定不會再幫襯。