渝味曉宇重慶老火鍋 (渣甸中心)

打邊爐前一日已經book定六點鐘，因有二場一場係6:00一場係八點最後上到去confirm 左6:00，第二日上到去門口職員小姐搵咗好耐都話唔好意思冇我哋登記，問我地係咪打咗去灣仔分店，明明睇返電話紀錄係呢一間絕對冇打錯到，理論一番之後佢比我地入去但係食到七點半咁都算數，我哋叫咗一個鴛鴦湯底中間唔辣嗰個湯底超鹹，鼓油超鹹。。食材又唔新鮮，同喺大陸食過其他分店差天共地，咁我都算數，食到6:45職員小姐就即刻糖水過嚟話唔好意思今日真係full Booking訂枱數量有限，我心諗下，咩意思？唔係食到七點半咩，6:45就比糖水即係大家都明白係咩意思，即係叫我地快啲走囉。。咁嘅服務態度大家自己諗過下仲會唔會幫襯囉，以後絕對冇下次！食飯食到一肚火

$850