影片
更多
2012-08-22
2240 浏览
之前去过帮衬消夜茶市,亦有帮衬过晚饭,以质素来说是晚饭比较好.试过几好就谂住带埋屋企人过嚟食,但呢次会系最后一次帮衬呢间饭店.今次叫咗三个𩠌,潮式咸菜花甲,白饭鱼菜甫煎蛋同埋上汤鲜竹鲩鱼.潮式咸菜花甲,个汤有少许胡椒味,唔系太重,如果要重胡椒味既朋友相信就要落单时提一提,白白既汤味道系唔错既,而咸菜亦减了咸味,反而令人失望既系啲花甲,花甲数量系ok既,但败笔既地方系有沙同埋煮得太老了,变得好难赵.但除咗呢两样以外都可以值得一试.白饭鱼菜甫煎蛋, 呢个系值得推介既𩠌,有蛋香,中间松身,四边有少少煎香既感觉.唯一一个问题系菜甫唔够多,再多啲就口感更丰富.上汤鲜竹鲩鱼,有一旧鱼腩,料足,个汤底系同潮式咸菜花甲𠮶个一样,当然呢个就冇胡椒味啦.另外仲有啲肉碎,碟头够大,都系ok.睇到呢度,相信大家都会觉得啲𩠌又ok,又唔见你提有关态度问题,系咪你写错题目呀.其实去到呢到我都系好满意,好老实讲,呢度冇装修,但食装修我就去第二度啦.但当我地食完都准备起身埋单之际,突然有个伙计拍埋咗一张比较细既圆枱过嚟我地𠮶度,咁你地要set枱,我都唔起身住啦,等你整埋我地先起身(因为我地坐咗喺角落头,隔离就系收钱,
今次叫咗三个𩠌,潮式咸菜花甲,白饭鱼菜甫煎蛋同埋上汤鲜竹鲩鱼.
潮式咸菜花甲,个汤有少许胡椒味,唔系太重,如果要重胡椒味既朋友相信就要落单时提一提,白白既汤味道系唔错既,而咸菜亦减了咸味,反而令人失望既系啲花甲,花甲数量系ok既,但败笔既地方系有沙同埋煮得太老了,变得好难赵.但除咗呢两样以外都可以值得一试.
白饭鱼菜甫煎蛋, 呢个系值得推介既𩠌,有蛋香,中间松身,四边有少少煎香既感觉.唯一一个问题系菜甫唔够多,再多啲就口感更丰富.
上汤鲜竹鲩鱼,有一旧鱼腩,料足,个汤底系同潮式咸菜花甲𠮶个一样,当然呢个就冇胡椒味啦.另外仲有啲肉碎,碟头够大,都系ok.
睇到呢度,相信大家都会觉得啲𩠌又ok,又唔见你提有关态度问题,系咪你写错题目呀.其实去到呢到我都系好满意,好老实讲,呢度冇装修,但食装修我就去第二度啦.但当我地食完都准备起身埋单之际,突然有个伙计拍埋咗一张比较细既圆枱过嚟我地𠮶度,咁你地要set枱,我都唔起身住啦,等你整埋我地先起身(因为我地坐咗喺角落头,隔离就系收钱,有去过帮衬就应该知道边个位)我女人见到咁样都想移开张放喺我地两张枱中间既椅,因为𠮶张椅咁啱放咗系两张枱中间有啲顶住两张枱,说时迟那时快,有两个伙计一前一后抬住一个大圆枱面,其中一个特登咁好大力将个圆枱面向住顶住两张枱𠮶张椅车埋去,好在我女人只手缩得快,如果唔系就车到佢.突登好大力咁车埋佢个伙计系长住喺收钱𠮶个位带眼镜既男人,然后斯斯然咁行咗佢.
睇番之前一个师兄写既食评,佢话佢自己比人一晚转咗五次枱,但都比个笑脸佢,因为食物系好.我就可能冇𠮶位师兄咁厚道,你啲食物点好食都好,咁既服务态度,十个喊都唔够.你想要番张枱,过嚟执吓张枱,我地食客见到你咁都会醒水,等你有生意好做.你咁危险,如果张圆枱面唔小心车埋嚟整到人,比你做多枱生意咁又点? 永远不会再光顾.又唔系得你一间识煮得好食.
张贴
