金鶴拉麵 (和富道) (已結業)

第一次寫食評，我同朋友叫左兩碗拉麵，同埋係張串燒紙畫左幾串串燒，落單時個員工已經串串地，不過算。但當我同我朋友就差不多食完個拉麵，啲串燒全部都未到（只黎左跟餐既黑豚串）！我地叫左一叫全場唯一既服務員，佢其間打橫左部電話低頭禁緊，唔知係咪打緊機！我問叫佢跟一跟啲串燒，佢問返我地轉頭有啲咩串燒未到！？？？？我地答全部都未到！佢睇一睇機 就話 串黑豚已經到左 比左我地！然後一路搵佢部機枱頭啲紙，明顯係搵緊我地個張！大約5分鐘！之後睇住佢搵得返，先至再入單，其間一句交代都無，唔好意思又無，默默入返單就算？？咁都得？見佢咁 我地決定叫埋單，佢回頭問我地：咁你地啲串燒仲要唔要？ （都食完晒個拉麵啦，仲等你依家先入單慢慢燒？）所以我地話唔要。埋完單我地起身走，佢走過黎幫我地開門，唔知係知衰定點！ 總結，我個白雞湯拉麵個湯底不過不失，啲肉都唔錯，但啲麵底就有啲似即煮即食既包裝拉麵。其實啲野食就ok，但啲員工毫無禮貌，基本野都無，返工仲可以打機？見咁多正評唔知係打手多定點，但個員工真係好趕客！唔會再去，sorry!