影片
更多
2017-05-29
114 浏览
呢間餐廳經過過幾次都見到好多人，又係自己中意既串燒類型食店，所以都特登係openrice搵左出黎收藏一段時間。不嬲出街食飯我都習慣早一日book檯，以免等餐懵，所以我如常係前日既下午放工就打電話去book位同男朋友食，book左1830而店員明明都好正確咁覆左一次我所有既資料。點知琴日我地一心早啲出到旺角泊好車，行左陣就過去餐廳，果陣大概1810，同個店員講留左兩位1830 x小姐，佢睇完成張紙都話無，好彩我地早到當時午休完開店未有人先比到位我地，呢個係第一個失望，但都無上心既。叫完第一輪野食，燒既期間都已經開始近滿座，店小小特別快爆滿。由於我同男朋友都吾太識燒，所以第二輪都只係加多左一條台灣腸串燒，食飽就算。一分鐘後有店員攞住條腸走近左，但無出過聲就放係隔離檯隻碟其實當時我地同隔離檯都知店員出錯，但隔離檯無主動出聲，我地自己都有燒緊隻魷魚，就想睇下店員會否察覺問題。結果⋯我再追問條腸未到，有店員行近望左隔離檯兩次，然後乜都無講就係隔離檯攞走左佢地放錯果條腸，然後幾秒後就上碟比番我地，呢點係我對佢地既第二失望，但我都明白既，起碼佢地都攞走左現場而非直接由隔離檯攞完放係我地到。第三個失望
不嬲出街食飯我都習慣早一日book檯，以免等餐懵，所以我如常係前日既下午放工就打電話去book位同男朋友食，book左1830而店員明明都好正確咁覆左一次我所有既資料。點知琴日我地一心早啲出到旺角泊好車，行左陣就過去餐廳，果陣大概1810，同個店員講留左兩位1830 x小姐，佢睇完成張紙都話無，好彩我地早到當時午休完開店未有人先比到位我地，呢個係第一個失望，但都無上心既。
叫完第一輪野食，燒既期間都已經開始近滿座，店小小特別快爆滿。由於我同男朋友都吾太識燒，所以第二輪都只係加多左一條台灣腸串燒，食飽就算。一分鐘後有店員攞住條腸走近左，但無出過聲就放係隔離檯隻碟其實當時我地同隔離檯都知店員出錯，但隔離檯無主動出聲，我地自己都有燒緊隻魷魚，就想睇下店員會否察覺問題。結果⋯我再追問條腸未到，有店員行近望左隔離檯兩次，然後乜都無講就係隔離檯攞走左佢地放錯果條腸，然後幾秒後就上碟比番我地，呢點係我對佢地既第二失望，但我都明白既，起碼佢地都攞走左現場而非直接由隔離檯攞完放係我地到。
第三個失望係我地結賬時，個店員一放低張單，我就已經發覺唔係我地既，多左好多我地無叫既野食，我想同個店員講，佢無理我繼續sell佢地要coupon，我等佢講完我先再講呢張單唔係我地既，邊啲野食我地無叫。然後個店員又係粒聲唔出係我地面前揸皺張單走左，然後先換番張岩既單番黎，一句唔好意思都無！我平時去邊都好都一定會有禮貌對啲服務員，將心比己，都想人地做得開心又serve自己好啲，但今次真心嬲到一個點。以後都唔會再幫襯或者推介比朋友👎🏼👎🏼
张贴
