Burger Joys (士丹利街) (已結業)

网上买咗个真空煲，约咗卖家去中环港铁站交收，下午同老公一齐去拎货，交收完谂起附近有间入咗全球Top50，近期大热嘅Burger Joys,就同老公去买招牌牛肉汉堡，返屋企食先🤣餐厅位置系士丹利街，位置单边，客人可以坐向街外嘅高脚枱，感觉更Free😄店内都有唔少顾客，而店员都好有礼貌问我地堂食定外卖，落单快手👍首先，梗系要点个Burger啦，牛肉汉堡，仲点多几款小食，等咗十分钟左右，就包好俾我地拎走👍返到屋企，拎出嚟个牛肉汉堡仲暖嘅，切开share食，个饱松软厚身，系甜包嚟，牛肉汉堡用安格斯牛肉造，肉质juicy,牛肉味浓，同一般嘅汉堡牛扒完全唔同，加埋酸瓜、蕃茄、生菜同紫洋葱，好好食呀🤩,我谂现场食就更加好味😅蒜香鸡翼，虽然隔咗一阵先食，但鸡翼都外皮仲脆脆地，夹杂蒜香，肉质嫩滑，鸡翼面搽咗泰式辣酱，更能提升食欲😋美式炸鸡配秘制辣酱，炸鸡肉香脆干身，唔鞋口，配埋佢用芝士做嘅辣酱，够特色😋蒜蓉薯条幼身，铺满粒粒蒜蓉，惹味😋佢地嘅牛肉汉堡真系冇得输，唔怪得可以拎到全球Top50之一嘅荣誉，食咗都回味无穷🤭