抹茶館 (已結業)

常常見到這店外都有相當客人等候，今日就一嘗佢哋的出品。芝士雞肉蕃茄忌廉烏冬 ($74)雞肉面鋪上很多芝士粉，與醬汁拌勻後，令本身比較稠的汁更稠，更味濃。可幸的是，雞肉本身沒有很重的調味，令整件事稍微可以接受。什莓芝麻奶凍抹茶芭菲 ($59)嚟到抺茶主題館，點可以唔試吓佢哋的抹茶甜品。這個芭菲由涼粉，脆脆，什莓醬，芝麻奶凍同抹茶雪糕一層一層疊著。整體嚟講係好味的，略嫌抹茶味雪糕味道淡，有點失望。