茶木‧台式休閒餐廳 (樂富廣場A區)

其實茶木係香港都開咗咁多年同咁多分店，已經好多人都去過同食過，食評都應該冇咩人會睇

我仲係想寫因為唔同分店，個質素真係可以差多遠。第一唔同區價錢係會唔同，就算同區係唔同商場開，個價錢都可以唔一樣。第二同一碗牛肉麵，可以一間可以用帶軟骨部位牛肉去煮超淋，阿婆都食到，另一間又可以用超韌牛展肉，後生仔都唔會咬得開。

差就唔提，等各食家自己慢慢摸索，而樂富分店係其中一間能保持質素分店

紅燒牛肉麵

台灣店就緊係食紅燒牛肉麵一來佢用我偏愛嘅粗麵，二來個牛肉煲得夠入味又淋身，三來個蘿蔔又係夠晒味，大滿足

紅豆薏仁水

午市跟餐有呢個凍紅豆薏仁水，呢個又係必食，紅豆又甜又淋，薏米加薑好夾，夏天飲真係好消暑記得要少冰，如果唔係會太淡味。

9

始終食set係最底。