影片
更多
2015-09-23
749 浏览
今日有個朋友生日，而佢又大食又鐘食日本野，咁食放題就實岩晒佢喇，所以我就一於同呢個死仔嚟到mk食放題。本來想去另一邊嘅，不過佢又鐘意睇figure。於是就係呢間食，一黎到門口已經都唔算太多人，不過建議大家book定位好一啲，唔洗好似我地咁等左幾個字先入得去。一入口見到環境發現都唔算太逼，但係個人覺得冷氣再開大啲我會開心一啲囉~~~跟野食方面都好多野簡下，比之前食過嘅放題都算多，之後我地就一口氣叫左大堆野食，去滿足我地個胃。。。等左無幾耐，刺身就首先上枱了，你睇呢兩大盤刺身，真係令人雙眼發光，朋友見到亦都好開心。咁多刺身之中有樣野一定唔可以唔提嘅係甜蝦，呢度嘅甜蝦真係好大大隻，又好鮮甜同肥美，你話點忍到口呢，我地一口氣食左3,4盤。跟住之後我地就叫左好幾樣火灸壽司，有樣火灸壽司又係唔可以唔提嘅，佢就係火灸左口魚壽司，火灸左口魚肉質好細嫩，口感有即溶嘅感覺，火灸燒過之後，入口非常之香口，朋友同我都係食完一件又一件，叫左好幾次。食完壽司同刺身，我地就開始其他野食喇由於頭先食左咁多肉，於是我地就叫左各種沙律中和下，我地叫左將軍沙律，蟹子沙律和胡麻番茄沙律，不過我都係比較鐘意胡麻番茄沙律因為食落
於是就係呢間食，一黎到門口已經都唔算太多人，不過建議大家book定位好一啲，唔洗好似我地咁等左幾個字先入得去。一入口見到環境發現都唔算太逼，但係個人覺得冷氣再開大啲我會開心一啲囉~~~
跟野食方面都好多野簡下，比之前食過嘅放題都算多，之後我地就一口氣叫左大堆野食，去滿足我地個胃。。。
等左無幾耐，刺身就首先上枱了，你睇呢兩大盤刺身，真係令人雙眼發光，朋友見到亦都好開心。
咁多刺身之中有樣野一定唔可以唔提嘅係甜蝦，呢度嘅甜蝦真係好大大隻，又好鮮甜同肥美，你話點忍到口呢，我地一口氣食左3,4盤。
跟住之後我地就叫左好幾樣火灸壽司，有樣火灸壽司又係唔可以唔提嘅，佢就係火灸左口魚壽司，火灸左口魚肉質好細嫩，口感有即溶嘅感覺，火灸燒過之後，入口非常之香口，朋友同我都係食完一件又一件，叫左好幾次。食完壽司同刺身，我地就開始其他野食喇
由於頭先食左咁多肉，於是我地就叫左各種沙律中和下，我地叫左將軍沙律，蟹子沙律和胡麻番茄沙律，不過我都係比較鐘意胡麻番茄沙律因為食落感覺輕盈一點。
食完沙律，我地就開始食天婦羅，天婦羅食落感覺唔會太多粉，而且餐廳應該係岩岩炸起，所以夠晒熱同脆卜卜，真係唔鍇
雞泡魚乾，甜甜地幾好食，又唔會太硬，傾計果時想搵野食下，呢樣野食就最岩。
帆立貝，就肉質不錯，但如果加一點醬汁在表面味道會更令人印象深刻。
鹽燒雞翼雞翼食入口好香又夠脆，值得一讚，做得比一般舖頭好。
最後當然係甜品時間喇，呢度嘅甜品種類好多下，最後我地簡左幾款試下，點知都幾好，特別推薦焦糖菠蘿，真係比較小係其他放題舖頭食得到，而且幾好食。上次食放題食左個幾鐘就俾人趕催住埋單咁，不過今次完全無呢種情況出現，我地食飽仲可以慢慢傾計，真係幾好！
张贴
