漁屋日本料理 (海寶花園) (已結業)

見門口平時咁多人排，今日一於去試下。一點既時候唔洗等位，轉個頭點半番去要等半個鐘。其實有人出，但遲遲唔俾人入，皆因冇人得閒執台。叫左一個牛肉窩配白飯 沙律味僧湯。飯難食，肉韌，湯咸，沙律正常普通貨另外一個金菇牛肉卷拉面，有卷物 沙律呢個正常，金菇卷夠味，卷物都係正常頂癮之處冇啦啦熄燈播生日歌，仲要有閃爆雷射效果，先唱英文，完左大家都有拍手，點知繼續播著通話，再播廣東話，附近d 台已經話點呀，完未呀，隻眼被d 激光射爆了，歷時唔知幾多分鐘，感覺置身偉大祖國。以為完啦，個個已停晒手好耐諗住繼續食，點知佢播第二次，重新再由頭loop 過。頂！！食餐飯啫，洗唔洗搞番個嘉年華。有食客頂唔順叫佢開番燈熄左d disco 射燈，大家都感謝佢，可以正正常常食番飯。本身大家見突然熄燈播歌都感新鮮，而其他食客都替主角開心 拍手，但成件事被搞到爛晒，呢d 咪得不償失，討好一台得罪其他食客。到埋單，侍應搞唔清我台號，話佢知台號之後等左好耐，原來冇埋到。隔離台一話埋單已俾錢走人。