招牌艇仔魚湯飯 (紅腸、燒味、魚片、炸魚皮)
湯飯用大地魚湯底，米飯吸飽咗湯汁，粒粒彈牙。餸料勁多，紅腸煙韌有咬口，燒味（燒鴨+叉燒）皮脆肉嫩，魚片厚身新鮮彈牙，仲有脆卜卜嘅炸魚皮浮喺上面。整體幾多餸，食到最後一啖都仲有料，夠滿足，食落唔覺得口渴。
炸魚條一條
依份小食，份量真係幾多！金黃酥脆，咬落去鬆化即碎，冇腥味仲帶淡淡魚香。食完完全頂肚，性價比高到爆燈。
漁港艇仔粉唔只係艇仔粉專門店，係鴨脷洲嘅隱世午餐好去處！下次嚟香港仔，必食呢度，記住試下佢哋嘅大地魚湯底，保證上癮，強推畀愛艇仔粉嘅你！
1
