㗎仔飯 (已結業)

年幾前㗎仔飯剛開業仲係樓上舖嘅時候誤打誤撞咁去食左餐晏。幾有驚喜。就記住左。有機會一個人出嚟旺角都想睇下食唔食得返。隔左年幾㗎仔飯已經搬左出來地舖。有好有唔好。但食物依然美味咖哩有料。份量唔多唔少預得非常好。炸物出色。無論係配飯嘅炸魚炸蝦定小食嘅炸雞翼炸芝士沙律醬仲落得好足😂我幾中意蜜糖芥綠雞翼。個汁好好食我本身中意食雞翼但唔太中意配蜜糖。中意配辣。哩個就中和晒又好夾。又係單骨更易食❤跟餐配免費煎茶?好似係煎茶😂仲可以添飲(唔好講成本高低。有啲地方水都唔想俾杯你飲)。店員都好好人有耐性有禮貌。唯獨是餐盒餐具都係即棄。環保唔講了。環境方面。因為中門大開夏天中午時份可能唔會太涼。夜晚就可以嘅。頭頂電視播日文卡通仲有少量文宣裝飾😌座位比較少。出餐就快嘅。只要有人走坐低好快有嘢食。