影片
更多
2017-03-01
8388 浏览
想試呢間CAFE好耐, 咁啱有朋友生日, 所以前一日打電話去訂位, 如果5位以上既最好前一至兩日打去訂位, 因為餐廳既座位有限, 全層有一半係放咗擺設好似小店咁, 另一半先係CAFE, 我地去到都要等咗一陣, 等候期間當然係觀摩下小店賣啲咩, 有傢具, 衣服, 飾物, 日用品等等, 入到去個感覺好好, 地方好大又濶落, 而每張餐枱既距離都相隔好遠, 完全聽唔到隔離枱講乜, 加上個場好大, 又唔困聲, 所以係非常舒適既午巿餐牌有8款揀, 另外仲有4款三文治類, 午餐除咗有餐湯或沙律二選一外, 飲品方面, 手調咖啡類係唔駛另加錢, 呢到係比較意外, 冇諗過個午餐會包埋 $40以下既飲品, 同埋呢到冇收加一服務, 心理上覺得抵咗, 但實際上每份午餐價應該包咗, 最低消費$98/午餐今次特別揀選咗呢兩款午餐, 我覺得比較特別既, 因為多數午餐唔係意粉就係飯或者係扒類焗芝士龍脷柳配意大利蕃茄醬, 南瓜餅 - 賣相不錯, 首先試食龍脷柳, 面層用芝士焗, 底層係蕃茄醬, 龍脷柳肉質好滑, 面層芝士好軟熟, 切開一拉條芝士絲拉到長一長都唔斷, 食到一口都係, 南瓜餅即係好似南瓜薯餅一樣, 外脆內甜
想試呢間CAFE好耐, 咁啱有朋友生日, 所以前一日打電話去訂位, 如果5位以上既最好前一至兩日打去訂位, 因為餐廳既座位有限, 全層有一半係放咗擺設好似小店咁, 另一半先係CAFE, 我地去到都要等咗一陣, 等候期間當然係觀摩下小店賣啲咩, 有傢具, 衣服, 飾物, 日用品等等, 入到去個感覺好好, 地方好大又濶落, 而每張餐枱既距離都相隔好遠, 完全聽唔到隔離枱講乜, 加上個場好大, 又唔困聲, 所以係非常舒適既午巿餐牌有8款揀, 另外仲有4款三文治類, 午餐除咗有餐湯或沙律二選一外, 飲品方面, 手調咖啡類係唔駛另加錢, 呢到係比較意外, 冇諗過個午餐會包埋 $40以下既飲品, 同埋呢到冇收加一服務, 心理上覺得抵咗, 但實際上每份午餐價應該包咗, 最低消費$98/午餐
今次特別揀選咗呢兩款午餐, 我覺得比較特別既, 因為多數午餐唔係意粉就係飯或者係扒類
焗芝士龍脷柳配意大利蕃茄醬, 南瓜餅 - 賣相不錯, 首先試食龍脷柳, 面層用芝士焗, 底層係蕃茄醬, 龍脷柳肉質好滑, 面層芝士好軟熟, 切開一拉條芝士絲拉到長一長都唔斷, 食到一口都係, 南瓜餅即係好似南瓜薯餅一樣, 外脆內甜, 南瓜味好濃, 全部都係南瓜蓉
黑毛豬肉絲野菜墨西哥卷,炸薯角 - 賣相不錯, 由於用錫紙包, 所以拆開食時外層都仲暖, 裡面啲餡除咗有豬肉絲外, 仲有洋蔥絲菜絲等, 味道不錯, 但比較乾身, 如果裡面加多啲汁會更好食, 薯角好新鮮, 外脆內軟
是日餐湯係蕃茄湯 - 味道偏酸, 蕃茄味都算濃是日沙律係雜豆沙律 - 面層有啲芝士粉, 除咗有豆角, 仲有黑欖, 紅腰豆, 洋蔥粒, 提子乾等, 個沙律汁都唔錯, 食完好開胃
ICED MOCHA - 濃濃既朱古力帶有少少咖啡既香味
ICED CAPPUCCINO - 奶味好重, 但又帶有濃濃既咖啡苦澀味總結 : 環境一流, 食物不錯, 價錢有少許貴, 間唔中食一次都還可以, 不過唔知個餐牌會幾耐先轉一次, 不過有機會會再去幫襯
张贴
