更多
2019-04-08
624 浏览
讲起食点心，通常只会谂到系酒楼饮茶、食一笼笼点心，又或者系微波炉叮叮点心。反而好少去一啲点心专门店，所以对我而言系几新鲜。当晚我同同行人都算颇早到店，大约5、6点左右，唔使等位就入得。店铺都几光猛，枱与枱之间唔算太逼，坐得都算舒服。我地点咗几样点心：酸甜炸云吞、蒜香虾春卷、蟹皇蒸烧卖、薄皮鲜虾饺、肠粉、北菇滑鸡饭等。酸甜炸云吞附有好似泰式辣酱嘅甜酸酱，云吞蘸上酱料后几开胃。炸云吞热辣辣，几香脆，唔会太油腻。不过个人觉得炸云吞块皮太大，有啲抢咗馅料风头嘅感觉。蒜香虾春卷春卷几香口，炸得金黄，不过不失。蟹皇蒸烧卖几大粒，烧卖口感弹牙。薄皮鲜虾饺呢款都系普普通通，鲜虾几香，稍嫌虾饺皮太干。肠粉唔太记得系叫咗边款肠粉，但肠粉皮反而令我印象都几深刻。同以往食开嘅质感好唔同下，皮薄之余带种烟韧，而且几入味。北菇滑鸡饭呢碗饭睇落细细份，但其实都够饱肚。北菇同鸡件都几香，鸡件滑嫩。
反而好少去一啲点心专门店，所以对我而言系几新鲜。
当晚我同同行人都算颇早到店，大约5、6点左右，唔使等位就入得。
店铺都几光猛，枱与枱之间唔算太逼，坐得都算舒服。
我地点咗几样点心：酸甜炸云吞、蒜香虾春卷、蟹皇蒸烧卖、薄皮鲜虾饺、肠粉、北菇滑鸡饭等。
酸甜炸云吞
附有好似泰式辣酱嘅甜酸酱，云吞蘸上酱料后几开胃。
炸云吞热辣辣，几香脆，唔会太油腻。
不过个人觉得炸云吞块皮太大，有啲抢咗馅料风头嘅感觉。
蒜香虾春卷
春卷几香口，炸得金黄，不过不失。
蟹皇蒸烧卖
几大粒，烧卖口感弹牙。
薄皮鲜虾饺
呢款都系普普通通，鲜虾几香，稍嫌虾饺皮太干。
肠粉
唔太记得系叫咗边款肠粉，但肠粉皮反而令我印象都几深刻。
同以往食开嘅质感好唔同下，皮薄之余带种烟韧，而且几入味。
北菇滑鸡饭
呢碗饭睇落细细份，但其实都够饱肚。
北菇同鸡件都几香，鸡件滑嫩。
张贴
