龍門冰室 (已結業)

同男朋友探朋友個bb，附近經過見到龍門突然想歎返個tea先返屋企!輕型流心多士餐，流心奄列揀左龍蝦汁，蛋好滑一切開龍蝦汁慢慢流出黎，濃郁既龍蝦汁仲暖暖地溝埋d蛋一齊食勁好味，花生奶醬厚多士烘得岩岩好，包面脆脆地夾住香濃花生醬，非常正再加埋芝士腸同凍奶茶，份量又多又抵食，凍奶茶茶味夠晒濃，飲落好香滑好濃味!天氣雖然涼涼地，都好岩食甜品自選班戟餐，班戟熱辣辣，好軟熟細細塊方便點醬料雪糕食，餐包左2球雪糕3選2我地揀左朱古力同雲呢拿，雪糕都好滑班戟夾d雪糕一齊食又凍又熱感覺好正，另外4選2既醬料揀左甜甜地藍莓醬同酸酸甜甜既士多啤梨醬，班戟搽醬料一齊食普普通通既食法，但一樣好味水果4選1，我地揀左甜甜地好多汁既士多啤梨，因為一來醬料好足夠，二來士多啤梨都夠甜我地揀左就咁當水果食!