J.S. FOODIES (又一城)

用餐時間：普通星期5 1345

今日2個人叫左2個lunch set。

凍檸水

整體味道唔錯，不過我覺得落曬全部糖漿都好似唔夠甜。

凍檸檬特飲

味道同檸檬碳酸飲品大致相同。

明太子醬意粉

呢個意粉好好食！意粉好幼好creamy，配埋三文魚籽食味道好夾，係我食過既意粉其中一個最好食。

手打牛肉漢堡扒配溫泉蛋飯

呢個飯質素普通。首先係佢啱啱黎到我幫佢影相嗰陣我已經feel到佢就黎會跌，我影完之後佢果然跌曬落啲咖哩到。而味道就正常發揮。

呢度部分座位都唔係坐得咁舒服，而我地就係其中之一。我地比人安排坐係窗邊位，嗰度既臺比較窄，而且張高凳都坐得唔舒服，所以如果唔好彩比人安排坐嗰度應該會影響用餐體驗。

最後埋單連加一係$273，兩個人平均每人$137。呢度食物質素唔錯，希望下次可以試到呢度主打既甜品！不過餐廳要改善既地方係部分座位坐得唔舒服既問題。