味皇 (北帝街) (已結業)

呢日下晝三點幾約咗朋友喺土瓜灣，因對方未到，我就入咗去呢間位於北帝街嘅味王先歎返個下午茶。下午茶餐牌上邊都有好多選擇。最後我揀咗炸雞髀沙律，配凍咖啡，盛惠$33。炸雞髀沙律賣相都幾吸引，雞髀外面炸得香脆，肉質都幾嫩滑，而且都夠入味，唔錯。沙律有青瓜粒、薯仔、番茄、菠蘿……等等，材料都幾新鮮，色彩繽紛，望落已經夠曬吸引。凍咖啡則味道略嫌淡咗少少，但係口感都幾滑溜，屬於一般貨色。呢份下午茶餐未到屋企，份量亦都唔算細，價格亦屬於合理，都算食得過。