影片
更多
2023-10-29
2037 浏览
登上英伦风装修嘅列车，一坐低就可以食到地度韩流美食。早已听闻在韩国有30几间分店嘅Yodille Plate喺荃湾呢度开左分店，餐厅最出名系佢嘅手工炸鸡。最近啱啱追完韩剧Moving，嘻嘻……劲想食炸鸡，一于嚟睇吓呢间过江龙店会唔会名过其实先。未食嘢，先被呢度嘅装修吸引，英式火车站嘅设计概念，够gimmick 又坐得舒服，等嘢食期间，啱晒我慢慢打卡。至于拣嘢食嘅重任就交俾友人决定，因为我打开餐牌后，发觉每样食物卖相都极之吸引，尤其系佢形容到炸鸡之严谨工序，完全反映到餐厅用心处理每样食材，一向有选择困难症嘅我真系好难拣。嗜辣朋友第一选择系大邱辣酱炸鸡🍗，怕辣嘅我就要蜜味乳酪粉无骨鸡；半半炸鸡($208)，1人一半，各取所需。🌶🌶🌶辣度对于我嚟讲真系有d顶唔顺，好彩有酸萝卜解辣；鸡肉嫩滑，配合埋辣酱嘅香辣刺激，我顶唔顺都忍唔住食左两件。至于朋友则边食边赞炸鸡，皮脆肉嫩，辣酱嘅甜辣味非常顶瘾，算系其中一款佢觉得好食嘅炸鸡。而蜜味乳酪粉，甜中带微酸，尝到乳酪味嘅清新。伴碟嘅蕃薯条都唔可以放过，因为真系好好食，沾上少少蜜味乳酪粉，就更滋味。 我比较钟意友人嘅另一选择，莫索里拉芝士排骨🥩($138
早已听闻在韩国有30几间分店嘅Yodille Plate喺荃湾呢度开左分店，餐厅最出名系佢嘅手工炸鸡。最近啱啱追完韩剧Moving，嘻嘻……劲想食炸鸡，一于嚟睇吓呢间过江龙店会唔会名过其实先。
未食嘢，先被呢度嘅装修吸引，英式火车站嘅设计概念，够gimmick 又坐得舒服，等嘢食期间，啱晒我慢慢打卡。
至于拣嘢食嘅重任就交俾友人决定，因为我打开餐牌后，发觉每样食物卖相都极之吸引，尤其系佢形容到炸鸡之严谨工序，完全反映到餐厅用心处理每样食材，一向有选择困难症嘅我真系好难拣。
嗜辣朋友第一选择系大邱辣酱炸鸡🍗，怕辣嘅我就要蜜味乳酪粉无骨鸡；半半炸鸡($208)，1人一半，各取所需。🌶🌶🌶辣度对于我嚟讲真系有d顶唔顺，好彩有酸萝卜解辣；鸡肉嫩滑，配合埋辣酱嘅香辣刺激，我顶唔顺都忍唔住食左两件。至于朋友则边食边赞炸鸡，皮脆肉嫩，辣酱嘅甜辣味非常顶瘾，算系其中一款佢觉得好食嘅炸鸡。而蜜味乳酪粉，甜中带微酸，尝到乳酪味嘅清新。伴碟嘅蕃薯条都唔可以放过，因为真系好好食，沾上少少蜜味乳酪粉，就更滋味。
我比较钟意友人嘅另一选择，莫索里拉芝士排骨🥩($138)，浓郁嘅芝士味，带有微辣，同排骨非常之夹，欣赏排骨够软腍，满口肉香混和烟韧嘅拉丝芝士，真系会食唔停口。
鱼介汤锅($238)，卖相充满韩国街头风。不同形状嘅鱼糕串，非常有口感。朋友嘅hidden menu，就系要点埋炸鸡嘅大邱辣酱食，味道即时提升。
海盐焦糖沙冰（$68）、蜜瓜沙冰（$68） 前者海盐味特出，后者似饮紧蜜瓜奶；两杯卖相靓之余，解辣一流。最后食埋甜品芒果雪冰($88)，芒果微酸带甜，正好舒缓一下大餐后嘅饱足感。
总结，芝士控必点“莫索里拉芝士排骨”，熔化嘅芝士真系好好食。
张贴
