我地安排咗坐bar枱 可以望住師傅整壽司🍣都幾療癒👍🏻
.
我揀咗北海道丼定食 除咗有熱烏冬 仲有沙律🥗 蒸蛋
當然唔少得好豐富嘅丼飯! 有三文魚 吞拿魚蓉 油甘魚 帆立貝 三文魚籽同蟹籽
啲刺身都幾厚身 食落啖啖肉同帶有鮮味🤤三文魚肥瘦適中 唔會食多2件就好膩果種
配埋昆布湯烏冬 食完暖粒粒🩷
.
同事叫咗special menu 天婦羅🍤+壽司set
有即叫即炸既天婦羅 包括大蝦 蟹柳 紫薯 冬菇 炸粉唔會太厚 食落好酥脆
6款壽司都係炙燒左 份外香😋
包括大大粒帆立貝 吞拿魚蓉 三文魚 池魚 蟹柳 蒲燒鰻魚🐟
另外仲有沙律同蒸蛋 飽到捧住個肚走😙
.
下次一定要同朋友黎Happy Hour ～聽講星期五仲開業到凌晨2點喔🥰
