位於上環呢間中菜餐廳集上海菜、川菜同酒吧於一身
門口位有韆鞦打卡位，入面裝修好靚坐得舒服，牆身有花奔圖案，中間有櫻花樹裝飾相當特別
✨北京填鴨 配二食
北京填鴨可以話係呢度嘅招牌菜
烤鴨皮下脂肪已經片走咗，食到油脂香但唔會太油膩
就咁蘸砂糖食突顯酥脆口感
嬤嫲皮薄得嚟口感煙韌，用蒸籠上食到尾都仲微暖👍🏻
一隻烤鴨份量好多，足夠四個人食
二食係鴨肉生菜包
鴨肉加上蘿蔔西芹粒炒得有鑊氣，好惹味
✨灌湯小籠包
皮夠薄帶點煙韌
內餡唔會太多肥豬肉，一咬開充滿湯汁
一籠六隻兩個人食夠晒滿足😆
✨瑤柱蛋白炒飯
一上枱聞到好香蛋白味
啖啖都食到瑤柱好足料
炒飯有鑊氣粒粒分明但完全唔覺油膩
