珍姐餐室 (已結業)

繁忙嘅上班生活，每日匆匆行過可能唔會留意呢間小店 。 今日晏晝時間經過西港城附近發現呢間懷舊招牌嘅鋪頭。即刻畀佢吸引咗過去 。裝修簡潔企理， 招牌同餐牌都令我諗起小時候。 一於試下最鍾意嘅魚蛋同車仔撈麵啦！陳皮魚蛋食出陣陣陳皮香味， 唔係嗰啲粉團魚蛋。豬油撈麵而家已經買少見少，仲要做得好出色，大大力拋個麵。 叫咗蘿蔔雞翼尖同大腸。 蘿蔔入味又冇渣， 配埋 豬油撈麵有陣陣油香。 食物唔係粗製濫造。 每樣食物從細微處睇得出有花心思。 對成品有要求，下次嚟再試其他出品。