我愛慢煮 (普慶坊) (已結業)

為咗飲咖啡特登走咗去上環，飲完都係要食啲野醫肚，朋友就搵咗一間黃店☺️首先叫咗烤大啡菇粟米沙律加慢煮溫泉蛋 ($50+$5) 大啡菇烤得好香，旁邊嘅粟米超級甜～ 菜嘅份量都唔少，撈埋啲溫泉蛋都幾好味之後叫咗慢煮主菜薯條餐配牛板腱扒($100) 呢個價錢喺上環食到真係超級抵！牛扒煎得好香，因為慢煮所以冇得揀幾多成熟，但係牛扒都可以keep住肉汁，幾有咬口，另外不得不提就係呢一個嘅薯條真係超級好味！金黃色好香脆，加埋呢個松露蛋黃醬簡直想嗌多一碟薯條🍟另外叫咗秘烤雞鎚兩隻($65) 真係冇諗過呢度嘅雞鎚咁大隻！咬落去啖啖肉，外脆內滑，口感味道都好好，側邊都有好多薯條😍