創壽司 (已結業)

係上環返工，知道開左間壽司小店都一段時間，今日終於去左試啦。小店內有張長枱，大約坐到4-5個人。我點左當日特定推介:蟹膏三色丼。所有飯都會送個三文魚豆腐湯同茶。湯好特別，除左三文魚、豆腐仲加左蕃茄，好fresh。不過可以再濃d三文魚味。飲完湯，就試下個飯啦。三色分別係蟹膏、三文魚同甜蝦。D蟹膏非常濃郁，杰杰地漿住個咀，口感好正好香！再送啖日本壽司飯👍🏽 三文魚新鮮、肥美，都幾厚切，味道甘香。而甜蝦就冇咩特別同平時食開差唔多。成個餐$88，唔係特別平，不過蟹膏真係值得一試！