饗量 (已搬遷) 新店位置

中環食飯唔難，最難唸食咩。同事最近試左呢間，大推，話好食、健康同埋可以自己揀菜，今日午餐就同朋友特登去試下。入到去間野，雖然細細間，竟然發現有自助點餐，都幾方便。我地試左個＄78Fete Box套餐，有一個飯、一個肉、一個熱菜、兩個涼菜既set。個盒設計簡單精緻，份量OK，男仔朋友都夠飽，我地點菜個陣個店員仲好細心問我地夠唔夠。間野仲有自助水機，有檸水同茶（似韓國麥茶），淡淡地都幾好飲。旁邊有條梯，上去可以堂食，見人少少就上左去食，空間闊落，難得地唔使同人逼。我點左糙米、雞、南瓜、蕃茄、秋葵加配紫菜同芝麻朋友點左飯黃薑飯、牛、西蘭花、生菜、青瓜配紫菜、炸乾蔥出街食真係好少地方有咁多種蔬菜可以揀，超級對我胃口。減肥女士必食。d蔬菜整得好好食，南瓜同秋葵大推，南瓜香甜秋葵好爽口，味道同醬汁岩岩好。一定會再食。蕃茄就冇咩特別，糙米有少少乾身，可能我自己鍾意軟身少少既飯。朋友就好鍾意呢隻粒粒分明既飯感。食完同朋友都好滿足，超級健康既一餐，D野食同環境好乾淨，食得好放心。成間野睇得出好有心去整野食比人，絕對鐘意食蔬菜人既天堂呀。抵讚。