上海姥姥 (Citylink)

营业中

休息中

今次三個人叫咗兩碗面同埋兩個小食一齊分享，其中最好味嘅呢就係豆沙鍋貼，一上到黎呢已經香氣撲鼻仲煎到好香脆，豆沙嘅味道唔會太甜，真係好出色！小籠包方面呢一個皮唔會好厚，亦都有一啲湯汁，小籠包來講呢都算唔錯！面食方面呢我就試咗一個酸辣湯拉麵，佢嘅味道呢就好似碗仔翅咁樣，不過呢比較酸啲同埋辣啲，整體來講呢一碗麵嘅質素就普通啦，因為冇乜餸嘅緣故呢我都最後食唔晒！而另一碗五香牛肉拉麵，味道頗為清淡，如果唔想食得太龍尾嘅各位呢都可以選擇！三個人午餐來講食咗二百零蚊，價錢都算合理！