華記湖南風味

营业中

休息中

間唔中就會買呢間小店嘅酸菜魚，外賣返屋企同屋企人一齊食。份量十分足夠2-3人食，魚嘅數量都算多，仲有啲魚骨同魚頭，星企人好鍾意。另外配菜除左酸菜，仲有芽菜同薯粉，記憶中以前啱啱開始幫襯嘅時候係有過萵筍、菇，反而宜家係越黎越少配菜。薯粉唔會淋曬或者好韌。味道方 面，因爲唔太食得辣，所以叫左BB辣，酸辣度適中，而且最中意飲埋啲湯．雖然有麻嘅感覺，但十分開胃，每次都可以飲兩小碗。呢個價錢算係咁，同埋提提大家，記得要提早打電話訂，因爲有時候會賣曬㗎。平時有食開佢嘅凉粉，日日都好快就賣曬，今次當然都唔例外。所以就買左其他小食試下，海帶、 蓮藕、海蜇青瓜，呢幾款小食反而一般，味道麻麻。下次都係食返凉粉。