影片
更多
2008-10-28
7 浏览
睇返自己寫食評的back up~原來我用34D這個a/c的第一個食評就係翡翠拉麵…oh~都兩年幾三年喇！今次舊地重遊，純粹因三人中有一位想食上海野，而我就本想食西餐的，我相信我只要話食西餐自會有另一位撐我，不過適逢今天睇到這店擺晒花牌重新開幕就憑著過往留給我的印象令我覺得可以不妨再試，姑且看看它三年後的今日水準又如何，因為yata那邊的嚼江南我不見得又經濟又好味，即使有小南國明顯我對故友念舊就所以今回又再「hi~翡翠baby我又黎喇！」。水煮牛肉拉麵—三級辣。表面叫水煮，但來到時湯底呈辣椒油般的褐紅色。牛肉質感尚算少肥肉嫰，入口帶彈性。至於在玻璃櫥窗看到廚房裡師傅是怎樣製作拉麵，即使不看x-ray式的廚房，但食落口都感到麵身非常爽，爽口索汁之餘就不像坊間食肆一樣帶著一股梘水味。辣就固然的了，不過我覺得此湯底就辣得欠缺靈魂，除了只有火紅的辣油，就是嘴唇邊圍繞著像麻辣的火炙感，所以我喜歡食沙嗲多於麻辣火鍋，言下之意辣不是我強調的重點，而是我喜歡香辣惹味那種辣多一點。五香牛肉拉麵—二級辣。這款比上面那款美味，喜歡辣的朋友可自行叫侍應另按比例加辣。牛肉就是像燻蹄那種肉片，夠五香味，整體由湯到麵
今次舊地重遊，純粹因三人中有一位想食上海野，而我就本想食西餐的，我相信我只要話食西餐自會有另一位撐我，不過適逢今天睇到這店擺晒花牌重新開幕就憑著過往留給我的印象令我覺得可以不妨再試，姑且看看它三年後的今日水準又如何，因為yata那邊的嚼江南我不見得又經濟又好味，即使有小南國明顯我對故友念舊就所以今回又再「hi~翡翠baby我又黎喇！」。
水煮牛肉拉麵—三級辣。表面叫水煮，但來到時湯底呈辣椒油般的褐紅色。牛肉質感尚算少肥肉嫰，入口帶彈性。至於在玻璃櫥窗看到廚房裡師傅是怎樣製作拉麵，即使不看x-ray式的廚房，但食落口都感到麵身非常爽，爽口索汁之餘就不像坊間食肆一樣帶著一股梘水味。辣就固然的了，不過我覺得此湯底就辣得欠缺靈魂，除了只有火紅的辣油，就是嘴唇邊圍繞著像麻辣的火炙感，所以我喜歡食沙嗲多於麻辣火鍋，言下之意辣不是我強調的重點，而是我喜歡香辣惹味那種辣多一點。
五香牛肉拉麵—二級辣。這款比上面那款美味，喜歡辣的朋友可自行叫侍應另按比例加辣。牛肉就是像燻蹄那種肉片，夠五香味，整體由湯到麵都ok唔錯。畢竟我只靠黐！
毛蟹殼黃酥—原本三件，有位快手食左。三位一致覺得係一款唔錯的點心，就像另一款舊食評曾寫過此店的南瓜酥餅水準相若。這款毛蟹殼黃酥就是餡中帶蟹肉，味帶鹹香，金黃色像鹹蛋黃，味帶像瑤柱的鮮味。但因為本人不嬲不嗜大閘蟹那類東東，所以就沒考究這款點心。
生煎包—暫時未算我眼中的最好，一來細隻，就係因為細隻結果包身唔算厚，包身太薄當內裡的肉汁滲透時，個口感就大打折扣。試想想，麵包皮太薄索晒肉汁時，食落口就像疏乎里或麵包索晒水wea開晒咁，但只是勝在肉質鮮嫰。
酸辣湯—在我眼中係一個超級唔得兼難食的酸辣湯。這裡的酸辣湯是計一人份量，大約食燉蛋白的燉盅咁大。以近年食過的酸辣湯來計，這裡酸辣湯的材料實在不充足。以我又要扮靚又要食的人來講，通常就要精打細算，所以我幫趁的食肆都平均分配有平有貴，所以是否划算亦係我考慮幫趁之列的其中一個因素。但我幫趁的平民食肆，酸辣湯多數都係豬紅、木耳、豆腐等等的平價材料，但這裡就似乎沒這些材料充撐，真係飲了一啖已冇再掂過，連旁邊一齊開餐的都問我乜酸辣湯唔係有豬紅架咩！？反而個湯的醋實在差勁，像飲醋，醋得似拎支鎮江醋來飲。嗯，但對於適當時我其實都是一個無醋不歡的人，被身邊的朋友曾經揶揄過妳真的很愛「呷醋」。雖然我不至於像日本人咁奇怪愛點豉油愛到連該用醋時都格硬來去點豉油，我指的適當時就係這意思。就像食碗仔翅我是醋狂，其次就係我愛食孕婦的薑醋even我今生今世唔會有婚結同有仔生，不過有d醋真係錯配互相調亂用係行唔通，亦唔係隻隻深色醋就可以用返來做同一味餸，所以呢隻醋似適用於醃豬手或糖醋排骨但唔代表佢適用於整酸辣湯。
鍋貼—三人一致覺得做得好好。餡皮剛好不會太厚太薄，煎得又香脆，肉很新鮮嫰口。
小籠包—仍然keep到我三年前食的樣子，皮薄肉嫰，載滿湯汁，我冇話要奢望變得更好，keep到已萬幸。
食後感：
基本小籠包、鍋貼同點心那類與我三年前食時的水準相若，但曾失意的菜式亦與三年前的水準一樣，三年前食時拉麵的水準亦不及包點的水準，如今亦然。其實感覺到它麵身製作的誠意係存在，只係配角的湯底和材料令個麵黯然失色了。至少食開旺角的北京拉麵都只係約廿蚊碗，雖然那裡的麵身比這裡遜色，但湯底同風味那裡的確是比這裡佳的。我諗真係像感情，有時錯配的真係令人無奈，就像這兩間做得失準的地方若然可以互相調轉，那麼就可以皆大歡喜，問題係事事豈能盡人如意呢？現實總是事與願違啊！
味精我都覺兩間都有，因為我都有口渴，爭在大渴定小渴。但論價錢，其中一位比我更精打細算那位就覺得貴了一點，我覺得就蠻可以，反正我劑劑食飯同枱出街不論男女但人數都不多於三人，我覺得兩三人開餐這裡係ok，多人都係去酒家好了，我諗同和民theory道理差不多吧！
茶水都係嚼江南好飲d~XD
三人共221
张贴
