大食代 (已結業)

昨晚同女友去康怡睇戲，之前聽說呢度的海南雞飯都幾正宗，於是一於來試一試。一個海南雞飯套餐要$48，都唔平啊，不過如果要一個二人套餐，就只要$80。我地就要左一個二人套餐。佢D雞係無骨的。雖然蔡瀾話正宗海南雞飯應該要有骨，不過我同女友都係喜歡無骨多些。食落覺得佢真係幾正宗，同我們在新加坡吃的很相似。D雞唔算好滑，再鞋的我都食過。不過無論碟雞同碟菜都好油，呢樣野真係學足新加坡。果碟辣醬真係好對板。食雞一定要點佢先好味。碗湯只係味精湯一碗，雞味唔重。建議大家如果去食，唔需要叫套餐，凈食雞飯可以了。