講食物之前要先讚下入面既人好friendly，服務好好，會問下啲食物如何，好有人情味
餐廳食物選擇有正餐（意粉類）有自家制既蛋糕，可惜食左午餐先黎，所以淨係叫左兩件蛋糕同可可茶。真。係。好。好。食。
首先佢個玫瑰士多啤梨西瓜蛋糕，十分清香，啲cream一啲都唔流，師傅話無落糖去打cream, 所以食完都唔覺guilty！最特別係佢真係加左塊西瓜，加埋上層個士多啤梨果凍，成個感覺好fresh!
另外個雜莓朱古力蛋糕都好好食，啲雜莓既酸甜同啲朱古力既甜味岩岩好balance，啲朱古力味唔係死甜，蛋糕口感好鬆軟👍🏻
個可可茶雖然係茶包，但都唔可以睇少，飲落去個後勁真係有啲朱古力既香味，唔澀，同啲蛋糕好match!
