更多
2014-09-15
10520 浏览
XO仔身患食物敏感症,由细到大都唔多食海鲜,不过长辈请食饭,无论系素菜或海鲜宴,小弟有空必定赏面出席 。今次Auntie N所拣选o既「好彩海鲜酒家」,以海鲜闻名,感觉亦较旧,起初都有少少惊自己会唔惯,势估唔到海鲜宴中亦有多款菜式啱小肥口味,食完餐饭仲足足重咗一公斤 !上环「好彩」地点都几就脚,乜车都到,唯一问题系放工时候路面颇为挤塞,所以最方便都系搭附近都有站o既地鐡同电车。酒楼楼面低,装修唔算系好陈旧,不过室内有几件较潮o既摆设就好似有少少格格不入咁。此外,尽管当晚只有两、三枱散客,一出升降机已经觉得几嘈,好在Auntie N系熟客,请客一早安排咗间厢房,我地一围十二人都坐得好松动舒适。「好彩」o既餐具款式其实有少少过时,当中虽然未有崩裂碗碟,但就开始有退色现象,同新净金黄o既餐巾好似唔多夹,所以轻轻扣咗分卫生分。房入面有位叔叔负责分𩠌,不时亦有位姐姐为客人加添茶水,斟酒方面就稍为慢咗少少啦,好多时都要我地自己黎。经理哥哥都有入过黎跟进食物,问及auntie对各方面o既满意程度,当XO仔要求印出菜单,佢都好有效率地办妥,态度友善认真 。 堂剪乳猪全体:「好彩」贵为海鲜酒家,
房入面有位叔叔负责分𩠌,不时亦有位姐姐为客人加添茶水,斟酒方面就稍为慢咗少少啦,好多时都要我地自己黎。经理哥哥都有入过黎跟进食物,问及auntie对各方面o既满意程度,当XO仔要求印出菜单,佢都好有效率地办妥,态度友善认真 。 堂剪乳猪全体:「好彩」贵为海鲜酒家,居然能够烧出如此松化脆嫩o既乳猪,小肥真系愕咗然 !意料之外o既仲有伴猪o既面包,可以话系细佬食过最松软热辣、最香甜美味o既一家,难怪当晚碟乳猪同面包一出,短短十五分钟就已经扫清,一件都冇得剩 ! 白灼游水虾:游水虾新鲜爽口,简单白灼已经好够鲜甜,果然真材实料! 杏汁炖白肺:白肺汤好足料,白雪雪、滑嘟嘟o既猪肺洗得又够干净,加咗杏汁一啲都唔粉,饮落清甜润口,舒畅暖胃。 酥炸美国蚝:哗,啲蚝真系好巨型,上枱时已经够震撼,入埋口简直系不得了!蚝本身肥美,师傅酥炸时间掌握得好,所以做出黎层炸皮薄脆o既同时,蚝o既质感仍能保持嫩滑,效果非常好 ! 蒜茸粉丝蒸元贝:带子连壳原只上,每人一只,好有睇头!大大只o既带子好厚肉,有少少嚡亦属正常,不过最美味o既就系底层入哂蒜茸味o既粉丝。 上汤焗龙虾伊面:据经理哥哥所讲,龙虾从澳洲入口,味道比波士顿龙虾更为浓郁清甜,肉质丰厚得黎亦较为爽口,XO仔唔系好识比较 ,不过都觉得当晚个味龙虾真系几香甜爽脆,咁唔知价钱又系咪相对地比波士顿龙虾贵呢 ?! 粥水浸蕃薯叶:蕃薯就见得多,小肥真系唔知蕃薯啲叶都可以煮黎食,仲要用米汤煮浸,真系好特别!蕃薯叶貌似苋菜,食落就似菠菜,口感软腍,食完条脷又唔会嚡,比起苋菜及菠菜略胜一筹。 环球鲜果盆:唔知同Auntie N系熟客有冇关系呢 ,啲菠萝同西瓜都超甜。 美点双辉之芝麻糕:新鲜滚热辣蒸出黎o既芝麻糕属微甜,清滑烟韧,几得意。 双皮奶:食完咁多味𩠌菜及甜点大家都已经饱到揽住个肚,点知auntie居然仲有一款压轴 甜品「双皮奶」,一人一大碗,劲量级过劲量级 !双皮奶香嫩幼滑,甜度恰到好处,auntie真系冇介绍错,嘻嘻,小肥亦老实不客气,食埋妈咪𠮶碗 。 今次真系非常感激Auntie N安排咗依顿丰富o既「七彩海鲜宴」,令XO仔认识到出名食海鲜o既「好彩」,环境虽然并不出众,但却原来烧得一手好乳猪,师傅用材上盛,就连配菜o既面包及 甜品o既双皮奶都同样高质美味,实属惊喜 !当晚始终系auntie请客,小弟亦不好意思详问价钱,所以对是否抵食一项,不能作出评论,还望大家见谅。
张贴