意粉屋 (已結業)

经常下午茶时段黎到意粉屋，都排晒队，要轮好几张枱先到我哋。今日同往常一样都要排队，排左十几二十分钟之后就到我地喇。意粉屋嘅下午茶餐都算多元化，有面有饭有薄饼有小食有包有甜品有沙律……今次就叫咗个休闲下午茶拼盘（ $85 ）。拼盘有巴马火腿、鸡翼、炸薯条同埋黑松露烟三文鱼蛋酥盒。拼盘入面每个小食都系我至爱，鸡肉鲜嫩多汁，而且热辣辣，蛋酥盒外皮松脆，炸薯条外脆内暖，巴马火腿有咸香，沾埋少少嘅黑醋，好味！另外叫咗个珍宝杂锦板板薄饼（ $75 ），饼底较薄，用料十足，口感不错。