影片
更多
2021-07-01
84 浏览
今日同朋友喺K11Musea度行吓街，見到呢間餐廳好似以food court嘅形式咁，乜都有得食。嗌完嘢食之後就可以自己去搵位，佢啲座位其實都算多。然之後就等廚房嗌你個單Number去拎嘢食，完全係自助形式。朋友嗌咗個吉列黑毛豬扒擔擔麵，佢個面唔會太辣，都好香花生味，份量都幾多。而佢啲吉列豬扒嘅炸份唔會太厚，食落都鬆軟。我自己就揀咗個京都蟹腳醬油拉麵，就咁睇佢隻蟹腳真係好巨型。拉麵湯底亦都真係偏濃味，比較咸。然後我哋叫咗個泰式炸魷魚鬚做小食，同樣地佢啲炸粉真係唔厚，亦都醃到入晒味，又唔會炸到乾晒，真係幾唔錯。另外朋友就叫咗個芒果糯米飯做甜品，佢呢個甜品啱啱好可以兩個人食，兩舊糯米飯應該加咗斑斕汁，但係又唔係好食到斑斕汁嘅味道，不過感覺比較甜少少。另外嘢飲方面一定要試吓呢度咁特別嘅啤啤熊珍珠奶茶，滿足下少女心，因為啤啤熊真係好得意。咁樣食法又要自助，其實價錢真係唔算平，不過喺呢個商場來講，價錢都算比較親民。
嗌完嘢食之後就可以自己去搵位，佢啲座位其實都算多。
然之後就等廚房嗌你個單Number去拎嘢食，完全係自助形式。
朋友嗌咗個吉列黑毛豬扒擔擔麵，佢個面唔會太辣，都好香花生味，份量都幾多。
而佢啲吉列豬扒嘅炸份唔會太厚，食落都鬆軟。
我自己就揀咗個京都蟹腳醬油拉麵，就咁睇佢隻蟹腳真係好巨型。拉麵湯底亦都真係偏濃味，比較咸。
然後我哋叫咗個泰式炸魷魚鬚做小食，同樣地佢啲炸粉真係唔厚，亦都醃到入晒味，又唔會炸到乾晒，真係幾唔錯。
另外朋友就叫咗個芒果糯米飯做甜品，佢呢個甜品啱啱好可以兩個人食，兩舊糯米飯應該加咗斑斕汁，但係又唔係好食到斑斕汁嘅味道，不過感覺比較甜少少。
另外嘢飲方面一定要試吓呢度咁特別嘅啤啤熊珍珠奶茶，滿足下少女心，因為啤啤熊真係好得意。
咁樣食法又要自助，其實價錢真係唔算平，不過喺呢個商場來講，價錢都算比較親民。
张贴
