影片
更多
2019-11-02
336 浏览
係太子同朋友飲完野，好想填滿個肚。 行出大街見到呢間小店咁夜仲開門，同埋望落乾淨衛生，就一於坐低試試佢。呢間舖睇餐牌就知，主要係食餃，有鍋貼，雲吞，紅油抄手，葱油餅，小籠包同埋一d 麵食。我地3個人叫左2份小籠包，2份鍋貼，2份小雲吞，1個擔擔麵，1份雞翼。大概等左7-8分鐘d野食就開始黎，要讚既係全部食物黎既時候都熱辣辣，要知包點凍左就會失分。 店員放低食物亦放低調咪料，有醋，自家制豆瓣醬，同秘制辣汁(有少少沙嗲加XO醬既味<好惹味). 小籠包，size比連鎖店果d 細隻小小，一口可以食曬，皮薄多肉汁，肉汁冇好油膩，比例岩岩好。個人覺得鍋貼最出色。 我本身麻麻地食鍋貼，因為出面果d 通常都好油，皮又厚，有d 又會做到好似小籠包咁裡面出曬汁。 呢度既鍋貼首先夠熱，鍋貼底部香脆乾身冇油膩感同冇煎燶，咬落去肉有汁但有太多，亦冇雪藏肉咪。加小小呢間舖既秘制辣醬，超級好味。雞翼個味好特別，我估佢係用佢個秘制辣醬奄既。 小雲吞皮好滑，裡面餡料比例適合，加d 豆瓣醬食一流。 紅油抄手，個味唔係好正宗，冇好油亦都冇好辣。食完上面既野我地3個都好飽。發現完來仲有個擔擔麵，我地3個分左佢。麻醬
呢間舖睇餐牌就知，主要係食餃，有鍋貼，雲吞，紅油抄手，葱油餅，小籠包同埋一d 麵食。
我地3個人叫左2份小籠包，2份鍋貼，2份小雲吞，1個擔擔麵，1份雞翼。
大概等左7-8分鐘d野食就開始黎，要讚既係全部食物黎既時候都熱辣辣，要知包點凍左就會失分。 店員放低食物亦放低調咪料，有醋，自家制豆瓣醬，同秘制辣汁(有少少沙嗲加XO醬既味<好惹味).
小籠包，size比連鎖店果d 細隻小小，一口可以食曬，皮薄多肉汁，肉汁冇好油膩，比例岩岩好。
個人覺得鍋貼最出色。 我本身麻麻地食鍋貼，因為出面果d 通常都好油，皮又厚，有d 又會做到好似小籠包咁裡面出曬汁。 呢度既鍋貼首先夠熱，鍋貼底部香脆乾身冇油膩感同冇煎燶，咬落去肉有汁但有太多，亦冇雪藏肉咪。加小小呢間舖既秘制辣醬，超級好味。
雞翼個味好特別，我估佢係用佢個秘制辣醬奄既。 小雲吞皮好滑，裡面餡料比例適合，加d 豆瓣醬食一流。 紅油抄手，個味唔係好正宗，冇好油亦都冇好辣。
食完上面既野我地3個都好飽。發現完來仲有個擔擔麵，我地3個分左佢。麻醬味好夠，湯裡面有榨菜抵讚！麵底佢用既係似油麵既粗麵，好感好好，個人鍾意呢個多過傳統幼麵。 雖然好飽，但我地最後連湯都飲埋。
呢餐宵夜非常滿足，酒氣全消~ 我食既時候見都有幾多人黎叫外賣番屋企。 呢d 咁高汁既小店，下次黎太子飲野一定黎打打底。
张贴
