J.moon

今日第一次黎，冇book枱walk in，1845時入到嚟坐低咗，點咗杯生啤，一路飲一路loop手機，平均每1至2分鐘，就有職員喺你身邊行嚟行去，好似監視你咁樣，但我位置只要一舉手，在場8至10個職員一定會望到我，所以感覺非常侷促， 非常唔舒服。大約1908時，就有一個職員走埋嚟， 問我朋友到未，我好奇怪問佢什麼事，佢話原來walk in最多只可以坐1.5小時， 於是我同佢講我入嚟嘅時候你又無講，佢無答我。佢同我講嘅時候，我已經自己嗌咗2杯生啤一個小食。 變咗走又唔係唔走又唔係，而啲職員仍然不停不停咁喺身邊行嚟行去，感覺非常唔舒服，最後朋友到咗， 清晒啲嘢食就走。

職員面口係一個signature，作為飲食業一份子，只可講句，香港多得你地唔少。唔會再嚟，請我都唔會，多謝晒。