一間好食到要再去幫襯嘅潮州餐廳！
嘢食有水準、環境好、冇限時（大贊）！而家要喺旺區，仲要有一間冇限時嘅餐廳，俾你同朋友可以一路慢慢欣賞美食，再傾偈嘅餐廳真係唔多🥺
1
介紹返～
滷水拼盤 - 非常之夠味，上嚟嘅時候暖笠笠！滷水味係夠嘅，鵝片、豆腐都好入味
大過塊面嘅蠔餅 -超大塊！每一啖都係蠔！切開咗咁多舊都係食唔晒
1
最驚喜嘅係沙嗲牛肉炒河！估唔到潮州嘢，原來有沙嗲牛肉炒河，仲要粒粒花生😳好夠味！未試過嘅真係要叫黎試一下！
1
另外， 當然唔少得嘅係兩面黃！脆卜卜，配搭醋或者糖食都得！
1
食咁多熱氣嘢，當然都仲要叫吓啲雜菜煲清吓腸胃啦！
食到最尾，當然就要叫唔係度度都有得食嘅反沙芋！呢度嘅反沙芋可以雙拼、有番薯同芋頭，可能期望太高，佢擺盤係OK嘅，不過如果再炒得脆啲會比較好😅
2
最尾尾， 如果網上訂位，仲有糖水送🫶🏻誠意推介！
