Dan Ryan's Chicago Grill (海運大廈)

假日既海港城 絕對係人山人海，想搵一間餐廳食嘢，絕對唔容易。 必須一讚， 餐廳係以留電話方式等位，減少左miss號碼既不便。 可能因為同時等緊另一間餐廳 ，有所對比所以覺得依間餐廳態度特別好。

我地一行四人，本來佢地安排左bar 枱比我地，但驚我地坐得唔舒服，佢地轉左其他位置，值得一讚。其次，食物方面，水牛城雞翼， 比起chexxxcaxx Facxxxx 味道再重口味一啲。 豬肋骨醫汁好惹味，加上燒得剛剛好，令人食指大動。燒雞就有點柴，不過不失。 最值得推介既係杯chocolate brownie milkshake，原本都怕chocolate brownie 會好膩，但一啲都唔會！ 朱古力奶味恰到好處，再加埋whipping cream 面😍。

不過樓面人手略為不足，好多時要得一陣先有人回應，但服務態度真係好好，絕冇黑面， 如果平時係海港城食開飯，都會知有一間餐廳既企枱出名黑面。