西門町台灣麵食 (已結業)

23號夜晚第一次o黎呢度食，見食評好多人讚，加上都鍾意食台灣野！同朋友兩個人入去，我地張本身留座，店員見冇位就拎開"留座"個牌俾我地坐。有好多麵可以揀，仲有d小食，我地兩個唔知食乜好，於是問店員，佢幾nice，d服務唔錯，晌果邊o黎講，簡直難得一見！我叫左四寶擔擔麵，飲品就要蜜桃紅茶。個四寶擔擔麵唔算大碗，但係好夠料，湯底好"杰"，好香花生醬味，未食過咁好食o既擔擔麵！杯蜜桃紅茶好有蜜桃味，甜左少少。朋友叫左個香酥豬排擔擔麵，我試過一塊都唔錯。呢餐晚餐十分之豐富，令人一試難忘，一定會再去！